Bergensarar kan få 5000 kroner viss dei byter ut gamle vedovnar. Ordninga med vrakpant er utvida til å gjelda heile kommunen.

Tidlegare var det berre folk i sentrale delar av Bergen som kunne få støtte. No er det fritt fram for alle, berre dei bur innanfor Bergen kommune.

Stor pågang

Dei første dagane ordninga har vore i gang, er det fleire hundre bergensarar som har tatt kontakt kvar dag.

- Vi har ikkje opplevd liknande pågang tidlegare, seier overfeiemester Trond Grindheim til NRK.

Fortsatt skal det vera mogleg å bli med på ordninga, viss ein er rask med å ta kontakt. Tilsaman kan 1190 bergensarar få 5000 kroner i denne runden.

Meir miljøvennleg

Målet med vrakpant på vedovnar er å redusera luftforureininga i Bergen.

- Nye ovnar slepp ut mykje mindre sot enn dei gamle, seier Grindheim.



Kilde: NRK HORDALAND